کوئٹہ میں چوری اور لوٹ مار کی وارداتیں جاری ہیں۔ ملزمان آج کل قربانی کے جانور چوری کرنے میں لگے ہوئے ہیں۔

کوئٹہ کے علاقے برما ہوٹل منیر مینگل روڈ پر چوری کی انوکھی واردات ہوئی۔ نامعلوم چور نے چلتی گاڑی سے قربانی کیلئے لے جانے والا بکرا نیچے اتار لیا۔ بکرا گاڑی سے اتار نے پر ملزم کا ساتھ پیچھے سے موٹرسائیکل پر آیا اور دونوں بکرا لے کر فرار ہوگئے۔

واقعہ کی سی سی ٹی فوٹیج منظر عام پر آنے سے شہری پریشانی میں مبتلا ہوگئے ہیں کہ اب چوروں نے نت نئے طریقے ڈھونڈ لیے ہیں۔ کوئٹہ کے مختلف علاقوں میں چوری اور لوٹ مار کی وارداتیں بڑھ گئی ہیں۔