کراچی میں لوٹ مار کا سلسلہ جاری ہے۔ نیوکراچی میں ڈاکوؤں کے ٹوپی گروپ نے واردات کرکے دو نوجوانوں کو لوٹ لیا۔

واردات کی سی سی ٹی وی فوٹیج منظرعام پر آگئی جس میں دیکھا جاسکتا ہے کہ ٹوپی گروپ نے قربانی کے جانوروں کی دیکھ بھال کرنے والے 2 نوجوانوں کو لوٹ لیا۔

موٹرسائیکل سوار 3 ملزمان 2 موبائل فونز اور رقم چھین کر چند سیکنڈز میں فرار ہوگئے۔ تینوں ملزمان شلوار قمیض اور کیپ لگائے ہوئے تھے۔ شناخت چھپانے کے لئے تینوں ملزمان نے چہرے پر ماسک لگا رکھے تھے۔