سکردو میں 7 ہزار میٹر بلند چوٹی اسپانٹک کی مہم جوئی کے دوران گر کر زخمی ہونے والی غیر ملکی خاتون کوہ پیما کو ریسکیو کرلیا گیا۔
7 ہزار میٹر بلند چوٹی اسپانٹک پر مہم جوئی کے دوران زخمی ہونے والی چیک ری پبلکن خاتون کوہ پیما کو ریسکیو کرلیا گیا ہے۔
آرمی ہیلی کاپٹر کے ذریعے خاتون کوہ پیماکو ریسکیو کیا گیا جس کے بعد چیک ری پبلک کی باقی ٹیم اسپانٹک کو سر کرنے کی مہم جوئی میں دوبارہ مصروف ہوگئی۔
واضح رہے کہ گزشتہ روز گلگت بلتستان کے علاقے شگرمیں سات ہزار میٹر بلند چوٹی اسپانٹک کو سرکرنے کی مہم کے دوران چیک ری پبلک کی کوہ پیما زخمی ہوگئیں۔
مہم جوئی کےدوران زخمی ہونے والی چیک ری پبلک کی خاتون کوہ پیما 8 رکنی ٹیم کے ساتھ اسپانٹک سر کرنے کی مہم پر نکلی تھیں۔
