ملک میں پہلی ایئر ٹیکسی سروس متعارف کرانے والے اسکائی ونگز کے مالک عمران اسلم کو نامعلوم افراد نے اغوا کرلیا۔

ایوی ایشن بزنس سے وابستہ اہم شخصیت کراچی ائیر پورٹ کے قریب سے لاپتہ ہوگئے ہیں، اور اسکائی ونگز کے منیجر کے مطابق عمران اسلم کل رات سےلاپتہ ہیں، انہیں جناح ٹرمینل کے سگنل پر نامعلوم افراد گاڑی سے اتار کر لے گئے ہیں۔

منیجر نے بتایا کہ عمران اسلم اسکائی ونگزکمپنی کے مالک ہیں اور انہوں نے ملک میں پہلی ایئر ٹیکسی سروس متعارف کرائی، ان کے اغوا کی درخواست ائیر پورٹ تھانہ میں درج کرائی لیکن پولیس حکام اغواء کی درخواست وصول نہیں کررہے۔