دورہ فرانس کے دوران وزیراعظم شہباز شریف کی سعودی والی عہد سے راز ونیاز کی ویڈیو سامنے آگئی۔

وزیراعظم شہبازشریف فرانسیسی صدر کی دعوت پر گلوبل سمٹ میں شرکت کیلئے 3 روزہ دورے پر پیرس میں موجود ہیں۔

سوشل میڈیا پر نئے عالمی مالیاتی معاہدے سے متعلق سربراہی اجلاس کے موقع پر بنائی جانے والی ایک ویڈیو وائرل ہے جس میں شہباز شریف کو سعودی عرب کے وزیراعظم اور ولی عہد شہزادہ محمد بن سلمان سے ملاقات کرتے دیکھا جاسکتا ہے۔

تاہم یہ ملاقات معمول سے ذرا ہٹ کر ہے کیونکہ دونوں رہنما ہجوم سے دور ایک گوشے میں آمنے سامنے کھڑے رازونیاز کررہے ہیں۔

دلچسپ بات یہ ہے کہ اس ملاقات کیلئے کسی مترجم کا تکلف نہیں کیا گیا۔ دنیا کی کئی زبانوں پر عبور رکھنے والے پاکستانی وزیراعظم یقینناً عربی زبان بھی بخوبی بول لیتے ہوں گے۔