سعودی ائر لائن کی ریاض سے کراچی کی پرواز کئی گھنٹے تاخیر کا شکار ہوگئی، جس سے مسافروں کو پریشانی کا سامنا ہے۔

ذرائع کے مطابق سعودی ائر کی پرواز ایس وی 708 تاحال ریاض سے کراچی کے لیے اڑان نہ بھرسکی۔

کراچی آنے والے پاکستانیوں کی بڑی تعداد ریاض ائرپورٹ پر خوار ہورہی ہے۔ پرواز کو صبح 7 بجے ریاض سے کراچی کے لیے روانہ ہونا تھا۔

ذرائع کے مطابق پرواز کا وقت اب سعودی مقامی وقت شام 5 بجے کردیا گیا ہے، مجموعی طور پر 300 سے زائد پاکستانی مسافر ہیں۔