شمالی وزیرستان کے علاقے میں اسپن وام میں دیسی ساختہ بارودی سرنگ کے دھماکے سے سپاہی گل رؤف اور سپاہی عابداللہ شہید ہو گئے۔

پاک فوج کے شعبہ تعلقات عامہ (آئی ایس پی آر) کے مطابق 29 سالہ گل رؤف کا تعلق لکی مروت اور 23 سالہ عابد اللہ کا تعلق کرک سے ہے۔

علاقے میں ممکنہ دہشت گردوں کے خاتمے کیلئے آپریشن بھی کیا گیا۔

ترجمان کے مطابق مسلح افواج دہشت گردی کی لعنت کے خاتمے کے لئے پرعزم ہیں اور بہادر جوانوں کی یہ قربانیاں ہمارے عزم کو مزید تقویت دیتی ہیں۔