پاکستان میں انٹرنیشنل مانیٹری فنڈ (آئی ایم ایف) کی نمائندہ ایستھر پیریز نے آئندہ مالی سال کی بجٹ تجاویز پر تحفظات کا اظہار کردیا۔

ایسٹر پیریز کی جانب سے جاری بیان میں کہا گیا ہے کہ بجٹ تجاویز میں ٹیکس نیٹ کو وسیع کرنے کا موقع گنوا دیا گیا ہے، بجٹ میں بینظیر انکم سپورٹ پروگرام (بی آئی ایس پی) کیلئے وسائل کو کم کیا گیا۔

آئی ایم ایف کی نمائندہ ایستھر پیریز کا کہنا ہے کہ ٹیکس آمدن سے ہونے والے اخراجات میں منصفانہ کمی نہیں کی گئی، خرچہ کم کرکے بی آئی ایس پی کیلئے بہتر پلاننگ ہوسکتی تھی۔

نمائندہ آئی ایم ایف نے مزید کہا کہ ترقیاتی منصوبوں کیلئے بہتر پلاننگ ہوسکتی تھی۔

انہوں نے مزید کہا کہ آئی ایم ایف نئی ٹیکس ایمنسٹی اسکیم کے سخت خلاف ہے، ایمنسٹی اسکیم جیسے اقدام معیشت کیلئے سازگار نہیں ہیں۔