نیب نے وزیراعظم اور فیملی کے خلاف منی لانڈرنگ کیس میں شواہد نہ ملنے کی رپورٹ عدالت میں جمع کرادی۔
احتساب عدالت نے وزیر اعظم شہباز شریف اور ان کے خاندان کے افراد سمیت دیگر کے خلاف منی لانڈرنگ ریفرنس پر سماعت کی۔
ڈائریکٹر جنرل (ڈی جی) نیب لاہور نے چیئرمین نیب کی تصدیق شدہ سپلیمنٹری رپورٹ عدالت میں جمع کرائی جس میں شہباز شریف سمیت دیگر ملزمان کو بے گناہ قرار دیا گیا ہے۔
نیب رپورٹ کے مطابق نیب سپلیمنٹری رپورٹ میں منی لانڈرنگ اور آمدن سے زائد اثاثے بنانے کے شواہد نہیں ملے۔
عدالت نے ہارون یوسف، طاہر نقوی اور سلمان شہباز کی طلبی کے نوٹسز پر فیصلہ محفوظ کرلیا جب کہ کیس کی سماعت 22 جون تک ملتوی کردی۔
واضح رہے کہ احتساب عدالت نے نیب کو تفتیش مکمل کرکے نئے ملزمان کی حد تک جلد سپلیمنٹری ریفرنس دائر کرنے کی ہدایت کی تھی۔
