کراچی ٹرانسفارمیشن پلان افواج پاکستان کی جانب سے شہر قائد کے لیے ایک اور کامیاب سنگ میل کے طور پر سامنے آیا ہے۔

ٹرانسفارمیشن پلان وفاقی و صوبائی حکومتوں، سول اور ملٹری ہم آہنگی کی بہترین مثال ہے، جس میں آبی ریلوں کی نکاسی، ویسٹ مینجمنٹ اور سٹی ٹرانسپورٹ پلان کے منصوبے شامل ہیں۔

ٹرانسفارمیشن پلان کی تکمیل 30 جون 2025 تک ہونے کا امکان ہے۔ منصوبوں کے مکمل ہونے سے کراچی کے شہریوں کو بُنیادی شہری سہولیات میسر ہوں گی۔

یاد رہے کہ حکومتِ نے شہر قائد کے لئے ’کراچی ٹرانسفارمیشن پلان‘ کا اعلان کیا تھا، این ڈی ایم اے کو محمودآباد، گجر اور اورنگی نالوں کی صفائی سونپی گئی۔ گجر اور اورنگی نالہ بھی تکمیل کے مراحل میں داخل ہو چکا ہے۔ یہ دونوں نالے بھی ایک ماہ میں شہری اداروں کے سپرد کردیے جائیں گے۔