پشاور: خیبر پختونخوا بار کونسل نے وکیل اسد اللہ کے قتل کے خلاف ہڑتال کا اعلان کردیا۔
بار کونسل کا عدالتی کارروائی سے بھی بائیکاٹ کا فیصلہ کرتے ہوئے کہا کہ وکلاء آج پشاور کے علاوہ خیبر اور نوشہرہ کی عدالتوں میں پیش نہیں ہوں گے۔
وکلاء نے اسد اللہ ایڈووکیٹ کے قتل کی شدید الفاظ میں مذمت کی اور ان قاتلوں کو فوری طور پر گرفتار کرکے سخت سے سخت سزا دینے کا مطالبہ کردیا۔
واضح رہے کہ اسد اللہ ایڈووکیٹ کو گزشتہ روز ذاتی دشمنی پر قتل کیا گیا تھا۔
