سعودی ولی عہد و وزیراعظم محمد بن سلمان اور روسی صدر ولادمیر پیوٹن کے درمیان ٹیلیفونک رابطہ ہوا ہے۔
سعودی خبر ایجنسی کے مطابق ٹیلیفونک گفتگو میں دونوں رہنماؤں نے دو طرفہ تعلقات اور مختلف شعبوں میں تعاون کو فروغ دینے کے طریقوں پر تبادلہ خیال کیا۔
میڈیا رپورٹ میں بتایا گیا کہ محمد بن سلمان اور روسی صدر کے درمیان مختلف مشترکہ تشویش کے امور کے علاوہ دیگر معاملات پر گفتگو کی گئی۔
واضح رہے کہ دو روز قبل سعودی ولی عہد سے امریکی وزیر خارجہ انتونی بلنکن نے ملاقات کی تھی جس میں مختلف شعبوں میں تعاون اور دو طرفہ تعلقات، علاقائی اور بین الاقوامی معاملات پر تبادلہ خیال کیا گیا تھا۔
