پاکستان تحریک انصاف (پی ٹی آئی) کے رہنما حماد اظہر کے گرفتار والد واپس آگئے ہیں۔

ٹوئٹر پر جاری اپنے پیغام میں حماد اظہر نے کہا کہ میرے والد صاحب واپس آگئے ہیں، والد کو سی آئی اے تھانہ لے جایا گیا تھا۔

حماد اظہر نے لکھا کہ پولیس نے ایک گھنٹے تک والد کے فون کی جانچ کی۔

گزشتہ روز حماد اظہر نے کہا تھا کہ میرے والد کو پولیس نامعلوم مقام پر لے گئی ہے۔

حماد اظہر نے اپنے ایک بیان میں کہا تھا کہ میرے والد میاں محمد اظہر کی عمر 82 سال ہے اور وہ شدید بیمار ہیں۔

دوسری جانب پولیس کا کہنا ہے کہ تھانہ شادمان میں درج مقدمے میں میاں محمود الرشید، حماد اظہر، میاں اسلم اقبال نامزد ہیں۔

مقدمے میں فرخ حبیب، مسرت چیمہ، زبیر نیازی سمیت 50 نامعلوم ملزمان شامل ہیں۔