اسلام آباد: 9 مئی کے فسادات میں پاکستان تحریک انصاف (پی ٹی آئی) کے ایک اور شرپسند سرغنہ کی شناخت ہوگئی۔
سرکاری و عسکری املاک کو نقصان پہنچانےکی ویڈیو منظر عام پر آگئی جس میں نظر آنے والا شخص پی ٹی آئی کا شرپسند سید محمد ناظم عباس ہے۔
حکام کے مطابق سید محمد ناظم عباس پی پی 95 چنیوٹ سے پی ٹی آئی کا نمائندہ ہے جو نثار کالونی لاہور کا رہائشی ہے۔
سرکاری حکام کا کہنا ہے کہ ناظم عباس پر تشدد مظاہروں میں شرکت کرکے توڑ پھوڑ میں شامل رہا ہے، البتہ سانحہ 9 مئی میں ملوث دیگر تمام شرپسندوں کی شناخت کا سلسلہ بھی جاری ہے۔
واضح رہے کہ جنرل ہیڈ کوارٹرز سمیت سرکاری و فوجی املاک کے نقصان پہنچانے والے پی ٹی آئی کے شرپسند سرغنوں کی شناخت ہوچکی ہے۔
