پاکستان کے مخلتف شہروں میں آج بھی ہلکی اور تیز بارش کا امکان ہے۔
محکمہ موسمیات کے مطابق پنجاب، خیبر پختونخوا، شمالی مشرقی بلوچستان، بالائی سندھ، آزاد کشمیر اور گلگت بلتستان میں بارش متوقع ہے۔
محکمہ موسمیات کا کہنا ہے کہ ملک کے بالائی علاقوں میں بارش کے ساتھ ژالہ باری بھی ہوسکتی ہے۔
واضح رہے کہ گزشتہ روز پنجاب کے علاقوں بشمول چنیوٹ، ساہیوال، عارف والا، علی پور سمیت دیگر اضلاع میں تیز ہواؤں اور گرج چمک کے ساتھ بارش ہوئی تھی۔
پنجاب کے علاقوں میں تیز بارش سے گرمی کا زور ٹوٹ گیا تاہم آندھی اور ژالہ باری سے فصلوں کو نقصان پہنچا ہے۔
