وفاقی دارالحکومت اسلام آباد کے سیکٹر آئی نائن ٹو میں واقع اسپیشل بچوں کے سینٹر میں بچوں پر مبینہ تشدد کا انکشاف ہوا ہے۔
متاثرہ بچے کے والد کے مطابق چھ سالہ کعب گزشتہ اٹھارہ ماہ سے اسکول کے بورڈنگ ہاؤس میں رہائش پذیر تھا۔ اسکول انتظامیہ نے چھ سالہ بچے کو مبینہ تشدد کا نشانہ بنانے کے بعد برہنہ ویڈیو بناکر یوٹیوب پر اپ لوڈ کی جبکہ بچے کے جسم کو سگریٹ سے داغا گیا۔
یہ انکشاف بھی ہوا ہے کہ نجی اسکول متاثرہ بچے کے والدین سے ماہانہ تین لاکھ روپے فیس کی مد میں وصول کرتا رہا۔
آئی نائن پولیس نے میڈیکل رپورٹ کے بعد واقعہ کا مقدمہ درج کیا۔ جس میں تشدد اور چائلڈ پورنو گرافی کی دفعات شامل ہیں۔ پولیس کے مطابق ملزمان عبوری ضمانت پر ہیں جلد گرفتار کرلیا جائے گا۔
