سیکولرہونے کے دعویدارملک بھارت میں مسلمان اقلیتوں کے ساتھ کچھ اچھا سلوک نہیں کیا جاتا تاہم نئی دہلی میں بھارتی پارلیمنٹ کی نئی عمارت کے افتتاح کے موقع پر سورہ رحمٰن کی تلاوت بھی کی گئی۔
بھارتی میڈیا کے مطابق وزیر اعظم مودی نے پارلیمنٹ کی نئی عظیم الشان عمارت کے افتتاح کے موقع پر روایتی رسومات کی ادائیگی کی اور وہاں موجود پنڈتوں نے بھجن بھی گائے۔
تاہم افتتاحی تقریب میں مدعو کیے جانے والے ایک قاری صاحب نے سورہ رحمٰن کی تلاوت کی جسے بھارتی وزیراعظم سمیت دیگرارکان پارلیمنٹ سرجھکائے ادب واحترام سے سُنتے رہے۔
تقریب میں موجود مسلم ارکان اسمبلی نے اس اقدام کو سراہا تاہم چند ایک کا یہ بھی کہنا تھا متعصب بھارتی حکمراں جماعت بھارتیہ جنتہ پارٹی نے ایسا اپنے مسلم مخالف اقدامات پرپردہ ڈالنے کے لیے کیا۔
