وزارت خزانہ نے وفاقی بجٹ پر آئی ایم ایف کو مکمل اعتماد میں لینے کا فیصلہ کرلیا۔
حکومت کی جانب سے بجٹ 2023 - 24 کی تیاریاں جاری ہیں، اور ذرائع کا کہنا ہے کہ وفاقی بجٹ پرآئی ایم ایف کومکمل اعتماد میں لینے کا فیصلہ کرلیا ہے۔
حکام وزارت خزانہ کے مطابق آئی ایم ایف کو مطمئن کرنے کے لئے ان سے بجٹ کی تفصیلات شیئر کی جائیں گی، اور آئی ایم ایف کے اعتراضات کی صورت میں بجٹ میں تبدیلی کی جاسکتی ہے۔
وزارت خزانہ حکام کا کہنا ہے کہ آئی ایم ایف کو ہرطرح سے مطمئن کرنے کی کوشش کررہے ہیں، پاکستان پہلے ہی آئی ایم ایف سے جائزہ بجٹ سے قبل مکمل کرنے کی درخواست کرچکا ہے، آئی ایم ایف کی شرط پر ہی منی بجٹ کے ٹیکس پہلے برقراررکھنے کا فیصلہ کیا گیا ہے۔
