پاکستان تحریک انصاف (پی ٹی آئی) کے رہنما احتشام جاوید اکبر کو گرفتار کرلیا گیا۔

خاندانی ذرائع نے احتشام جاوید کی گرفتاری کی تصدیق کی ہے۔

احتشام جاوید 2018ء میں ڈیرہ اسماعیل خان کے پی کے 95 سے آزاد حیثیت سے منتخب ہوئے تھے، اور منتخب ہونے کے بعد تحریک انصاف میں شامل ہوگئے تھے۔

احتشام جاوید جمیعت علمائے اسلام (ف) کے سابق رکن اسمبلی بھی رہ چکے ہیں۔

خاندانی ذرائع نے دعویٰ کیا ہے کہ احتشام جاوید اکبر کو اسپیشل برانچ کی ٹیم نے گرفتار کیا ہے۔

دو روز قبل ان کے پرسنل سیکرٹری یوسف جان کو بھی حراست میں لیا گیا تھا۔