راولپنڈی کے علاقے شمس آباد میں گیس لیکج دھماکے میں 2 بچے جاں بحق جبکہ خاتون اور 2 بچے زخمی ہوگئے۔

راولپنڈی میں شمس آباد کے علاقے مدینہ ٹاؤن میں گیس لیکج سے دھماکا ہوا، جس کے نتیجے میں 2 بچے موقع پر جاں بحق ہوگئے، جن کی شناخت شاہزیب اور موسی کے نام سے ہوئی۔

دھماکے میں خاتون اور 2 بچے بھی شدید زخمی ہوئے جبکہ لاشوں اور زخمیوں کو ہولی فیملی اسپتال منتقل کردیا گیا۔

ذرائع کا کہنا ہے کہ گیس لیکج دھماکے کے بعد گھر میں آگ لگ گئی، آگ لگنے سے گھر میں موجود سامان جل کر خاکستر ہوگیا۔