پاکستان ستمبر میں ہونے والے ایشیا کپ کی میزبانی کرے گا تاہم کچھ میچز نیوٹرل وینیو پر ہوں گئے جس کے لئے متحدہ عرب امارات حکام سرگرم ہوگئے ہیں۔
ذرائع کے مطابق متحدہ عرب امارات کے حکام نے ایشین کرکٹ کونسل (اے سی سی) کے صدر جے شاہ سے بھارت میں ملاقات کی ہے اور ایشیا کپ کی میزبانی میں بھرپور دلچسپی کا اظہار کیا ہے۔
جے شاہ سے ملاقات میں یو اے ای حکام نے کہا کہ ایشیا کپ کے لئے ابوظہبی، دبئی اور شارجہ بہترین ویونیوز ہیں۔ ماضی میں بی سی سی آئی کی بھی یو اے ای پہلی چوائس رہی ہے۔
ذرائع نے دعویٰ کیا ہے کہ ایشین کرکٹ کونسل کے صدر نے ایشیا کپ کا میزبان یو اے ای کو بنانے کی تجویز پرغور شروع کردیا ہے جس کے بعد سری لنکا کے میزبانی سے آؤٹ ہونے کا امکان ہے۔
ذرائع کے مطابق بھارتی کرکٹ بورڈ ( بی سی سی آئی) نے پاکستان کرکٹ بورڈ ( پی سی بی ) کا ایشیا کپ پر ہائیبرڈ ماڈل مسترد کردیا ہے۔
