اسلام آباد: پاکستان تحریک انصاف (پی ٹی آئی) کو فنڈنگ کرنے والے 27 افراد کی گرفتاری امکان ہے۔
اسلام آباد پولیس نے تحریک انصاف کو فنڈنگ کرنے والے 27 افراد کی فہرست بنا لی جن میں مختلف یونین کونسلز کے چیئرمین اور ٹھیکدار شامل ہیں۔
پولیس کے مطابق 27 افراد کی فہرست وزارت داخلہ کو بھیج دی، فہرست میں شامل افراد کے خلاف مقدمات درج ہیں، لہٰذا وزارت داخلہ کی منظوری سے ان کی گرفتاری کا امکان ہے۔
پولیس کا کہنا ہے کہ اسپیشل برانچ کو تمام افراد کی مانیٹرنگ کا ٹاسک دے دیا گیا، فہرست میں شامل بیشتر افراد روپوش جب کہ 3 لوگ تحریک انصاف چھوڑ بھی چکے ہیں۔
