اسلام آباد: وزیراعظم شہباز شریف نے وفاقی کابینہ کا اجلاس آج طلب کرلیا ہے۔

ذرائع کا کہنا ہے کہ شہباز شریف کی زیر صدارت آج وفاقی کابینہ کا اجلاس ہوگا جس میں دو نکاتی ایجنڈے پر غور کیا جائے گا۔

ذرائع کے مطابق اجلاس میں کابینہ 16 مئی کے اقتصادی رابطہ کمیٹی (ای سی سی) کے فیصلوں کی توثیق کرے گی۔

ذرائع نے بتایا کہ وزارت داخلہ روڈ مکہ منصوبے پر شرکاء کو تفصیلی بریفنگ دے گی جب کہ اجلاس میں سیاسی اور معاشی صورتحال پر بھی تبادلہ خیال ہوگا۔