طارق روڈ پر اسلحہ اور گولیوں کی خریدو فروخت کرنے والا ملزم گرفتار کرلیا گیا۔
قانون نافذ کرنے والے اداروں کی کراچی کے علاقے طارق روڈ کے قریب کارروائی کرتے ہوئے اسلحہ کی غیر قانونی خریدو فروخت میں ملوث مبینہ ملزم کو گرفتار کرلیا۔
پولیس حکام کے مطابق گرفتارملزم کی شناخت بلال کےنام سےہوئی، جو طارق روڈ سگنل پر اسلحہ اور گولیوں کی خریدو فروخت کا کام کرتا ہے۔
ذرائع نے بتایا کہ ملزم بلال بلوچستان اورسوات سےاسلحہ منگوا کر دکانوں میں سپلائی کرتا تھا جب کہ مختلف علاقوں میں بڑے پیمانے پر گولیوں کی سپلائی بھی کرتا تھا، مبینہ ملزم کو تفتیش کے لئے نامعلوم مقام پرمنتقل کر دیا گیا ہے۔
