عالمی مارکیٹ میں سونے کی قیمتوں میں کمی کے ساتھ پاکستان میں بھی سونے کے نرخ میں کمی ریکارڈ کی گئی۔

آل سندھ صرافہ بازار ایسوسی ایشن کے مطابق عالمی مارکیٹ میں سونا 12 ڈالر سستا ہوکر19 سو 64 ڈالر فی اونس تک گرگیا۔ جس کے بعد مقامی صرافہ بازار میں بھی سونے کے ریٹ کم ہوگئے۔

مقامی صرافہ بازار میں ایک تولہ سونا ایک ہزار روپے سستا ہوکر 2 لاکھ 32 ہزار 600 روپے کا ہوگیا جبکہ دس گرام سونا 857 روپے کمی سے 1 لاکھ 99 ہزار 417 روپے کا ہوگیا ہے۔