جی سیون ممالک کا اجلاس آج سے جاپان کے شہر ہیروشیما میں شروع ہو رہا ہے جس میں شرکت کے لئے امریکی صدرجوبائیڈن، برطانوی وزیراعظم سمیت دیگر رُکن ممالک کے سربراہان ہیروشیما پہنچ گئے۔

امریکی صدر نے جی سیون اجلاس سے قبل جاپانی وزیراعظم فومیوکشیدہ سے ہیروشیما میں ملاقات کی، دونوں رہنماؤں نے خطے میں بڑھتے چینی اثر ورسوخ کے خلاف امریکا جاپان دفاعی تعاون بڑھانے پراتفاق کیا۔

صدر بائیڈن نے کہا کہ ہمیں حالیہ تاریخ کے سب سے زیادہ پیچیدہ ماحول کا سامنا ہے، یوکرین پر حملے کے لیے روس کو جوابدہ ٹھہرائیں گے۔

جاپانی وزیراعظم نے کہا یوکرین کی حمایت اور روس کے خلاف پابندیاں جاری رکھنے پر اتفاق ہوا جبکہ یورپی یونین کے عہدیدار کے مطابق جی سیون اجلاس میں روس کی ہیروں کی تجارت پر پابندیاں لگانے پر تبادلہ خیال کیا جائے گا۔