اسلام آباد کی مقامی عدالت نے عمران خان کے خلاف خاتون جج دھمکی کیس کی سماعت بغیر کارروائی کے منگل تک ملتوی کردی۔
ایڈیشنل سیشن جج طاہرعباس سِپرا نے خاتون جج دھمکی کیس کی سماعت کی۔
عمران خان کے وکیل نعیم پنجوتھہ کی جانب سے حاضری سے استثنیٰ کی درخواست دائر کرتے ہوئے بتایا گیا کہ نعیم پنجوتھہ علالت کے باعث عدالت پیش نہیں ہوسکتے، ڈاکٹر نے ان کو 7 دن کے آرام کرنے کا مشورہ دیا ہے ۔
پراسکیوٹر راضون عباسی عدالت میں پیش نہیں ہوئے جبکہ ان کی جانب سے ایسوسی ایٹ وکیل پیش ہوئے۔
عدالت نے کیس کی سماعت بغیر کارروائی کے 23 مئی ملتوی کر دی۔
