بالی ووڈ اداکارہ پرینیتی چوپڑا کی والدہ رینا چوپڑا نے بیٹی کی بھارتی سیاستدان راگھو چڈھا سے منگنی کے بعد سوشل میڈیا پر ایک جذباتی پیغام شیئر کیا ہے۔
پرینیتی چوپڑا کی والدہ رینا چوپڑا نے انسٹاگرام پر پرینیتی اور راگھو کی منگنی کی ایک خوبصورت تصویر شیئر کی ہے۔
تصویر شیئر کرتے ہوئے انہوں نے لکھا کہ آپ کی زندگی میں ایسی وجوہات ہیں جو آپ کو بار بار یہ یقین دلاتی ہیں کہ اُوپر ایک خدا موجود ہے اور یہ منگنی اُنہیں وجوہات میں سے ایک ہے۔
اُنہوں نے اپنی پوسٹ کے آخر میں بیٹی کی منگنی کی تقریب میں شرکت کرنے والے تمام افراد کا اس خوشی کے موقع پر نیک خواہشات کا اظہار کرنے کے لیے شکریہ ادا کیا۔
