نیوزی لینڈ میں ویلنگٹن کے ہاسٹل میں آگ لگنے سے 10 افراد ہلاک ہوگئے۔

خبرایجنسی کے مطابق آگ لگنے کے بعد واقعے میں متعدد افراد زخمی جبکہ درجنوں افراد لاپتہ ہوگئے۔

ذرائع کے مطابق آگ مقامی وقت کے مطابق نصف شب کو ساڑھے 12 بجے لگی تھی۔

52 افراد کو ہاسٹل سے باہر نکال لیا گیا ہے جبکہ اموات کی تعداد میں اضافے کا خدشہ ظاہر کیا گیا ہے۔

حکام کے مطابق خدشہ ظاہر کیا گیا ہے کہ آگ جان بوجھ کر لگائی گئی ہے، آگ بجھانے کے عمل میں 20 سے زائد فائر بریگیڈز نے حصہ لیا۔

واضح رہے کہ ہاسٹل میں 92 افراد کی رہائش کی گنجائش ہے۔