وفاقی حکومت نے اگلے 15 روز کے لئے پیٹرولیم مصنوعات کی نئی قیمتوں کا اعلان کردیا۔

اسلام آباد میں پریس کانفرنس کرتے ہوئے وفاقی وزیر خزانہ سینیٹر اسحاق ڈار کا کہنا تھا کہ پیٹرول کی قیمت میں 12 روپے کی کمی کی گئی ہے جس کے بعد فی لیٹر پیٹرول کی نئی قیمت 270 روپے مقرر ہوجائے گی۔

ان کا کہنا تھا کہ ہائی اسپیڈ ڈیزل کی قیمت میں 30 روپے کمی ہوگی، اس کے بعد فی لیٹر ہائی اسپیڈ ڈیزل 258 روپے میں فروخت ہوگا۔

اس کے علاوہ مٹی کے تیل کی فی لیٹر قیمت میں 12روپے کمی اور لائٹ ڈیزل آئل کی فی لیٹر قیمت میں بھی 12 روپے کمی کردی گئی ہے۔

قیمتوں میں کمی کے بعد فی لیٹر مٹی کے تیل کی نئی قیمت 164.7 روپے جب کہ فی لیٹر لائٹ ڈیزل آئل 152.68 روپے میں فروخت ہوگا۔

وزیر خزانہ کا کہنا تھا کہ پیٹرولیم مصنوعات کی نئی قیمتوں کا اطلاق آج رات 12 بجے سے ہوگا۔