ایف آئی اے امیگریشن نے کراچی ائرپورٹ پرکارروائی کے دوران جعلی سفری دستاویزات پر قبرص جانے والے چارمسافروں کوآف لوڈ کردیا۔

ترجمان کے مطابق مسافروں کے سفری دستاویزات دوران چیکنگ مشتبہ پائے گئے جو بین الاقوامی پرواز نمبر پی سی ون تھری ٹو سے جانا چاہتے تھے۔

گرفتارملزمان میں ولید اشفاق، عامرسہیل، مبشرحسن اور فہد رسول شامل ہیں۔

ملزمان کی جانب سے پیش کیے جانے والے اسٹڈی ایگزیمشن لیٹر بھی جعلی نکلے اور لیٹرکی آن لائن تصدیق نہ ہوسکی۔

ملزمان نے فی کس 10 لاکھ کےعوض ایجنٹ سے اسٹڈی ایگزیمشن لیٹرحاصل کیے تھے۔

ملزمان کو مزید تفتیش کے لئے ایف آئی اے انسانی اسمگلنگ سرکل کراچی کے حوالے کردیا گیا ۔