وفاقی دارالحکومت اسلام آباد کے تھانہ کورال میں ملزمان کی فائرنگ سے ہیڈ کانسٹیبل شہید ہوگیا۔

اسلام آباد میں پولیس پارٹی ملزمان کی گرفتاری کے لیے ریڈ پر گئی تھی۔ پولیس کے چھاپے کے دوران ملزمان نے پولیس اہلکاروں پر فائرنگ کردی۔

ملزمان کی فائرنگ سے ہیڈ کانسٹیبل زخمی ہوگیا، جو زخموں کی تاب نہ لاتے ہوئے شہید ہوگیا۔ زخمی اہلکار کو طبی امداد کے لیے پمز اسپتال منتقل کیا گیا تھا۔

شہید ہونے والے اہلکار کی شناخت احمد یار کے نام سے ہوئی ہے، شہید ہیڈ کانسٹیبل احمد یارتھانہ کرپا میں تعینات تھا۔