سابق وزیراعظم عمران خان کو نیب نے القادر ٹرسٹ میں میبینہ بدعنوانی کے الزام میں گرفتار کرلیا ہے، اور اس کیس کی سماعت اسلام آباد کی احتساب عدالت کے جج محمد بشیر کر رہے ہیں۔
تو جسٹس محمد بشیر کون ہیں؟
جسٹس محمد بشیر کو ویسے تو اب تک ریٹائر ہوجانا چاہئیے تھا، لیکن احتساب عدالت کے جج محمد بشیر کی مدت ملازمت میں تین مرتبہ توسیع کی گئی۔
جسٹس محمد بشیر وہی جج ہیں جنہوں نے سابق وزیر اعظم میاں محمد نواز شریف کو ایون فیلڈ ریفرنس میں مجرم قرار دیتے ہوئے قید اور جرمانے کی سزا سنائی تھی۔
اب یہ اتفاق ہے یا نہیں کچھ کہہ نہیں سکتے، لیکن عمران خان کا مقدمہ بھی اب جسٹس محمد بشیر کی عداکلت میں آیا ہے۔
یعنی سماعت کرنے والے جج بھی وہی ہیں جنہوں نے نواز شریف کو سزا سنائی، وکیل بھی وہی ہیں جو نواز شریف کے مقدمے میں موجود رہے، لیکن ملزم تبدیل ہوچکا ہے۔
یعنی جج محمد بشیر ہیں، نیب کے ڈپٹی پراسیکوٹر مظفر عباسی اور عمران خان کے وکیل خواجہ حارث ہیں، جو اس مرتبہ نواز شریف کی جگہ عمران خان کی وکالت کریں گے۔
