تجزیہ کاروں کا کہنا ہے کہ پاکستان کو اپنی لپیٹ میں لینے والا سیاسی بحران پاکستانی معیشت کیلئے انتہائی ضروری آئی ایم ایف پروگرام کی دوبارہ ٹریک پر واپسی کے امکان کو ختم کرتا دکھائی دے رہا ہے۔

پاکستان کی انسداد بدعنوانی ایجنسی ”نیب“ کی جانب سے سابق وزیر اعظم کو گرفتار کیے جانے کے بعد ملک بھر میں عمران خان کے حامیوں اور پولیس کے درمیان پرتشدد جھڑپیں ہوئیں۔

پاکستان کی کمزور سیاست میں تازہ ترین دراڑ اس وقت آئی ہے جب 23 کروڑ آبادی والا ملک ممکنہ انتخابات کے انعقاد کے لیے تیاری کر رہا ہے، ساتھ ہی اسے تاریخ کے بدترین معاشی بحران کا سامنا ہے۔

عدالت نے عمران خان کا 8 روزہ جسمانی ریمانڈ نیب کو دے دیا ہے۔

کیپٹل اکنامکس میں ایمرجنگ ایشیا کے سینئر ماہر معاشیات گیرتھ لیدر نے کہا کہ، ”سڑکوں پر مظاہرین کے ہوتے ہوئے آئی ایم ایف قرض کے معاہدے کو دوبارہ شروع کرنے کے بارے میں اور زیادہ محتاط رہے گا۔“