نیب وزیراعظم شہبازشریف اور ان کے خاندان کو منی لانڈرنگ کیس میں بے گناہ قرار دے دیا۔
احتساب عدالت لاہور میں شہبازشریف اور ان کے خاندان کے خلاف منی لانڈرنگ کیس کی سماعت ہوئی، جج قمر الزمان نے سماعت کی۔
نیب نے منی لانڈرنگ ریفرنس کی سپلیمنٹری رپورٹ احتساب عدالت میں جمع کرادی، جس میں شہباز شریف اور ان کی فیملی کو منی لانڈرنگ ریفرنس میں بے گناہ قرار دے دیا گیا ہے۔
عدالت نے وزیراعظم شہباز شریف، ان کی اہلیہ نصرت شہباز اور حمزہ شہباز سمیت دیگر کو منی لانڈرنگ ریفرنس میں بری کردیا اور کیس کی مزید سماعت 24 مئی تک ملتوی کردی۔
