وفاقی وزیر برائے مذہبی امور سینیٹر محمد طلحہٰ محمود کا کہنا ہے کہ جن حجاج کے پاس ائیرپورٹ پر تربیتی سرٹیفکیٹ نہیں ہو گا انہیں سفر کرنے کی اجازت نہیں ہو گی۔
سینیٹر طلحٰہ محمود نے حاجی کیمپ میں حجاج کرام سے ملاقاتوں کے دوران کہا کہ حجاج کرام کیلئے ٹریننگ بہت ضروری ہے، تاکہ وہاں ان کو کوئی پریشانی نہ ہو۔
طلحہٰ محمود کا حاجی کیمپ میں حجاج کی تربیتی نشست سے خطاب میں کہنا تھا کہ وزارت مذہبی امور حجاج کرام کی خدمات کیلئے کوشاں ہے، حجاج کرام کو ہر ممکن سہولیات فراہم کی جائیں گی۔
انہوں نے واضح کیا کہ حجاج کرام کیلئے سفر سے پہلے حج سے متعلق تربیتی نشستیں لازم ہیں۔
