افریقی ملک کانگو میں بارش کے بعد سیلاب سے 200 سے زائد افراد ہلاک اور 130 کے قریب لاپتہ ہوگئے۔

ریڈ کراس کے مطابق کانگو کے جنوبی صوبے کیوو میں شدید بارش سے اسکول اور اسپتالوں سمیت کئی عمارتیں تباہ ہوگئیں جبکہ سیلاب کئی دیہات کو بہا لے گیا۔

امدادی کارکنوں نے مٹی میں دبی لاشوں کو نکالا ساتھ ہی درجنوں زخمیوں کو اسپتال منتقل کردیا گیا۔ اقوام متحدہ کے مطابق اس وقت 130 سے ​​زائد افراد لاپتہ ہیں۔

ریڈ کراس نے بتایا کہ زیادہ تر ہلاکتیں لینڈ سلائیڈنگ کے باعث ہوئیں جبکہ پانچ ہزار سے زائد گھر تباہ ہوگئے۔