کراچی کے علاقے کیماڑی علی محمد گوٹھ میں مبینہ زہریلی گیس کے اخراج سے 18 اموات کے باعث بند کیے جانے والے گودام کے مالکان اور ملازمین سڑکوں پر نکل آئے۔
مظاہرین نے سپارکو روڈ کو ٹریفک کے لیے بند کردیا، ان کا کہنا ہے کہ یومیہ اجرت پر کام کرنے والے غریب عوام کے چولہے ٹھنڈے ہوگئے ہیں، اموات مبینہ طورپر فیکٹریوں سے زہریلے دھویں سےہوئیں، ان گوداموں میں ایسی کوئی چیزتیارنہیں کی جاتی۔
گودام مالکان کا کہنا ہے کہ کئی ماہ سے گودام بند ہونے سےبھاری مالی نقصان ہورہا ہے، گوداموں میں باہر سےلاکر مال رکھا جاتا ہے اور یہ پابندی بلاجواز ہے، گوداموں کو کام کرنے کی اجازت دی جائے۔
