وزیراعظم شہبازشریف غیر ملکی دورے پر برطانیہ روانہ ہوگئے ہیں۔
پارٹی ذرائع کے مطابق وزیراعظم خصوصی پرواز کے ذریعے اپنے وفد کے ہمراہ لاہور ایئرپورٹ سے لندن روانہ ہوئے۔
شہبازشریف 6 مئی بروز ہفتے کو برطانوی حکومت کی دعوت پر برطانیہ کے بادشاہ کی تاج پوشی کی شاہی تقریب میں شرکت کریں گے۔
وزیراعظم لندن میں اپنے بھائی اور مسلم لیگ ن کے قائد نواز شریف سے بھی ملاقات کریں گے۔
ذرائع کے مطابق قوی امکان ہے کہ وزیراعظم وطن واپسی سے قبل ترکیہ اور سعودی عرب بھی جائیں تاہم اس حوالے سے حتمی پروگرام ابھی سامنے نہیں آیا ہے۔
یاد رہے کہ وزیراعظم شہباز شریف گزشتہ رات اسلام آباد سے لاہور پہنچے تھے۔
