مصنوعی ذہانت نے دنیا بھر سمیت خاص طور پر آرٹ کی صنعت میں تہلکہ مچا دیا ہے، حال ہی اس کا استعمال کرتے ہوئے صارفین نے ایسی تصاویر جاری کیں جو شاید حقیقت میں کبھی ممکن نہ ہو جیسے بہت سے ارب پتیوں کو بے گھر ہوتے دیکھا گیا یہاں تک کہ سابق امریکی صدر ڈونلڈ ٹرمپ کو گرفتار ہوتے دیکھایا گیا ۔

اب ایک آرٹسٹ نے دنیا کے بڑے رہنماوں کو موسیقاروں اور راک اسٹارز کے روپ میں تبدیل کردیا ہے

جوہن جان مولووڑ نامی آرٹسٹ نے اے آئی امیجز کا ایک سلسلہ تخلیق کیا ہے جس میں انہوں نے عالمی رہنماؤں کو راک اسٹارز میں تبدیل کیا گیا ہے تاہم ان میں کچھ تصاویر حقیقت پسندانہ اور شخصیات کے لیے موزوں نظر آتی ہیں۔

تصاویر شیئر کرتے ہوئے انہوں نے انسٹاگرام پر لکھا کہ ایک متوازی دنیا میں خوش آمدید جہاں لیجنڈز راک اسٹار بن جاتے ہیں، ورلڈ لیڈرشپ میوزک کنسرٹ

ان رہنماؤں میں بھارتی وزیراعظم نریندر مودی، امریکی صدر جو بائیڈن، شمالی کوریا کے سربراہ کم جونگ ان، روسی صدر ولادیمیر پوٹن، سابق امریکی صدر براک اوباما، سابق جرمن چانسلر انجیلا مرکل اور دیگر شامل ہیں۔