وزیر مملکت پیٹرولیم ڈاکٹر مصدق ملک نے کہا کہ وزیراعظم شہباز شریف نے 10 سے 14 ارب ڈالر کی ریفائنری کے قیام کی منظوری دے دی ہے۔

اسلام آباد میں پریس کانفرنس کرتے ہوئے مصدق ملک نے کہا کہ معاشی ترقی سفر کے ارتقاء کے لئے سب سے زیادہ صجرورت توانائی کی ہے، ایک فیصد معاشی ترقی کے لئے دو فیصد توانائی بڑھانی پڑتی ہے۔

انہوں نے کہا کہ وزیراعظم شہباز شریف نے کل بتایا کہ روس سے معاہدہ ہوچکا ہے اور بہت جلد پاکستان کو تیل مل جائے گا جس سے تیل کی قیمتوں میں کمی آئے گی۔

وزیر مملکت برائے پیٹرولیم کا کہنا تھا کہ کابینہ کی توانائی کمیٹی کے اجلاس میں وزیراعظم نے 10 سے 14 ارب ڈالر کی ریفائنری لگانے کی منظوری دی۔

مصدق ملک نے کہا کہ ا لوگ گیس لیکر بجلی بنا کر گرڈ کو مہنگی بیچ رہے تھے، یہ سلسلہ بھی آج ختم کرکے عوام کی بجلی عوام کو لوٹانے کا فیصلہ کیا گیا ہے۔

توانائی کمیٹی اجلاس کے حوالے لیگی رہنما کا مزید کہنا تھا کہ کراچی، لاہور سمیت دیگر شہروں کی نئی رہائشی عمارتوں میں گیس کی فراہمی نہیں ہے، لہٰذا اس ضمن میں کمیٹی نے ایک پارلیسی ترتیب دی ہے۔

وزیر مملکت نے کہا کہ اس منظور شدہ نئی توانائی پالیسی کے تحت مستقل میں گھر، گھر ایل پی جی، سولر اینرجی اور ایل این جی فراہم کی جائے گی۔