سابق ٹینس اسٹار ثانیہ مرزا بھی بھارتی ریسلرز کے حق میں بول پڑیں۔

سماجی رابطے کی ویب سائٹ ٹوئٹر پر اپنے ٹویٹ میں ثانیہ مرزا نے لکھا کہ ایک ایتھلیٹ کے طور پر لیکن ایک خاتون کے طور پر یہ دیکھنا بہت مشکل ہے، ان ایتھلیٹس نے ملک کا نام روشن کیا ہے اور ہم سب نے ان کے ساتھ جشن منایا ہے۔

ثانیہ مرزا نے مزید لکھا کہ اب وقت آگیا ہے کہ اس مشکل گھڑی میں ہم ان ایتھلیٹس کے ساتھ کھڑے ہوں، یہ ایک انتہائی حساس معاملہ ہے اور سنگین الزامات ہیں ۔

انہوں کہا کہ امید ہے کہ سچ جو بھی ہو، انصاف ضرور ملے گا ۔

واضح رہے کہ نئی دہلی میں بھارتی پہلواںوں کا ہراساں کرنے والے فیڈریشن چیف کے خلاف احتجاج جاری ہے۔