کراچی کےعلاقے ائیرپورٹ کے قریب ماحول دشمن عناصر نے متعدد تن آور درختوں کو کاٹ دیا جس پرشہریوں نے شدید ردعمل کا اظہارکیا ہے۔

ماحول دشمن عناصر کو شاید درختوں کا ہونا پسند نہ آیا اور ان کا قتل عام شروع کردیا۔ ائیرپورٹ کے قریب متعدد درختوں کو کاٹ دیا گیا ہے جس شہریوں کا کہنا ہے درختوں کو لگا کر اپنی ذمہ داریاں پوری کرنی چاہئیں نہ کے انہیں کاٹ دیا جائے۔

مین شاہراہ پر گاڑیوں کی مرمت کرنے کے لئے مزدور طبقہ درختوں کے سائے تلے محنت مزدوری کیا کرتا تھا لیکن اب ان کے سروں سے بھی سایہ چھین لیا گیا ہے۔

درخت ماحول کو سنوارنے خوبصورت اور دلکش بنانے میں اہم کردار ادا کرتے ہیں لیکن درخت اگانے کی رفتار کم اور کاٹنے کی رفتار تیز دکھائی دیتی ہے۔