متحدہ عرب امارات نے آئی ایم ایف کو پاکستان کے لیے ایک ارب ڈالر دینے کی تصدیق کردی۔

پاکستان کے وزیرِخزانہ اسحاق ڈارنے اس حوالے سے اپنی ٹویٹ میں بتایا کہ متحدہ عرب امارات کے حکام نے عالمی مالیاتی فنڈ کو پاکستان کیلئے ایک ارب ڈالرز کی فراہمی کی تصدیق کردی ہے۔

اسحاق ڈار نے آئی ایم ایف پروگرام کی نویں جائزہ رپورٹ کے حوالے سے اپنے ٹویٹ ٹویٹ میں کہا کہ اسٹیٹ بینک آف پاکستان اب متحدہ عرب امارات کے حکام سے مذکورہ ڈپازٹ لینے کے لئے ضروری دستاویزات مکمل کرنے کے عمل میں مصروف ہے۔

دوسری جانب پاکستان کوچین سے قرضے کی نئی قسط آج ملے گی۔ اس حوالے سے وزیرخزانہ اسحاق ڈار نے تصدیق کرتے ہوئے بتایا کہ یہ قسط 30 کروڑ ڈالر کی ہوگی، اس قسط سے زرمبادلہ کے ذخائر مزید مستحکم ہوں گے۔