لوئر دیر میں پولیس اور کاونٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے 2 دہشت گردوں کو ہلاک کردیا۔

خیبر پختو نخوا کے ضلع لوئر دیرمیں تیمرگرہ کے علاقے تالاش خٹکے میں پولیس اور سی ٹی ڈی کے آپریشن کے دوران دہشت گردوں نے اہلکاروں پر فائرنگ کردی۔

دہشت گردوں نے پولیس پر فائرنگ اور ہینڈ گرنیڈ پھینکے، جوابی فائرنگ میں 2 دہشت گرد ہلاک ہوگئے۔

ہلاک دہشت گرد ٹریفک پولیس اہلکار کے قتل میں ملوث تھے، دہشت گردوں کی شناخت حفیظ الدین عرف عمر اور برہان الدین کے ناموں سے ہوئی ہے جن کا تعلق ضلع ملاکنڈ سے ہیں۔

ہلاک ہونے والے دہشت گردوں کے قبضے سے 2 عدد پستول اور ہینڈ گرنیڈ بھی برآمد ہوئے ہیں۔