ضلع خیبر کےعلاقے باڑہ میں سکیورٹی فورسز کی گاڑی بارودی سرنگ سے ٹکرانے کے نتیجے میں دو جوان شہید ہوگئے۔

پاک فوج کے شعبہ تعلقات عامہ ( آئی ایس پی آر) کے مطابق ضلع خیبرکے علاقے باڑہ میں دوران گشت سکیورٹی فورسز کی گاڑی بارودی سرنگ سے ٹکرا گئی، جس کے نتیجے میں نائب صوبیدار حضرت گل اور سپاہی نذیر اللہ محسود شہید ہوگئے۔

آئی ایس پی آر کا کہنا ہے کہ ہمارے جوانوں کے شہادتیں ہمارے عزم کو تقویت دیتی ہیں، دہشت گردی کے قلع قمع کے لئے علاقے میں آپریشن جاری ہے جب کہ فورسز دہشت گردی کی لعنت کو جڑ سے اکھاڑنے کے لیے پرعزم ہیں۔