پاکستان تحریک انصاف کے رہنما اور سابق وفاقی وزیر علی امین گنڈا پور کو جوڈیشل مجسٹریٹ فرسٹ کی عدالت میں پیش کر دیا گیا، پیشی کے وقت علی امین گنڈاپور کو ہتھکڑی لگا کر پیش کیا گیا۔

علی امین گنڈاپور کو آج 2 مختلف مقدمات میں عدالت میں پیش کیا گیا، اس موقع پر جوڈیشیل کمپلیکس اور کچہری ایریا میں خصوصی حفاظتی اقدامات کیے گئے۔

مزید پڑھیں: پی ٹی آئی رہنما علی امین گنڈہ پور گرفتاری کے ڈر سے روپوش ہوگئے

پی ٹی آئی رہنما کے خلاف اشتعال انگیز تقریر پر ایف آئی آر درج ہے۔

علی امین گنڈا پور نے عمران خان کی گرفتاری کی صورت میں اسلام آباد پر قبضے کا آڈیو بیان جاری کیا تھا۔

مزید پڑھیں: پی ٹی آئی رہنما علی امین گنڈا پور اشتہاری قرار

دوسری ایف آئی آر میں 149،147،341، اور 188 کی دفعات شامل ہیں، عدالتوں کے باہر پولیس نفری تعینات کر دی گئی ہے۔

علی امین گنڈا پور کی پنجاب میں درج مقدمات میں گرفتاری کے لئے پنجاب پولیس بھی موجود ہے۔

مزید پڑھیں: علی امین گنڈاپور، عامر مغل اور توقیر شاہ گرفتار