کراچی کے علاقے گارڈن میں ٹارگٹ کلنگ کا نشانہ بننے والے ڈاکٹر بیربل کے قتل کیس میں اہم پیشرفت سامنے آگئی ہے۔
پولیس ذرائع کے مطابق پولیس نے واقعے میں ملوث ایک شخص کو حراست میں لیا ہے، جو ڈاکٹر بیربل کی اسسٹنٹ قرۃالعین کا رشتہ دار ہے۔
پولیس کا کہنا ہے کہ گرفتار شخص سے مزید تفتیش کی جارہی ہے جبکہ ملزم کوسی سی ٹی وی اور ٹیکنیکل بنیادوں پرحراست میں لیا گیا ہے۔
گزشتہ روز ہی ڈاکٹر بیربل کے قتل کا مقدمہ درج کیا گیا تھا جبکہ پولیس بتایا کہ مقتول کے بھائی نے ڈاکٹر بیربل کی اسسٹنٹ قرۃ العین پر قتل میں ملوث ہونے کا شبہ ظاہر کیا ہے۔
مزید پڑھیں: لیاری ایکسپریس وے پر کار پر فائرنگ، سینئر ڈاکٹر بیربل جاں بحق
واضح رہے کہ مقدمہ گارڈن تھانے میں مقتول کے بھائی کی مُدعیت میں قتل، اقدام قتل اور دیگر دفعات کے تحت درج کیا گیا ہے۔
مقدمے کے متن میں کہا گیا کہ ڈاکٹر بیربل کا رام سوامی میں آئی کلینک تھا، بھائی کو گولیاں لگنے کی اطلاع ملی، تو جناح اسپتال پہنچے،اسپتال میں میت موجود تھی، ڈاکٹر بیربل کے سر میں 2 گولیاں لگی ہوئی تھی۔
