بلوچستان کے علاقے چمن میں زلزلے سے مکان منہدم ہونے سے 3 بچے جاں بحق اور 5 افراد زخمی ہوگئے۔

گزشتہ روز افسوسناک واقعہ چمن کے علاقے بلائی زئی میں پیش آیا جہاں زلزلے کے باعث مکان منہدم ہوگیا، حادثے میں 3 بچے جاں بحق اور خواتین سمیت 5 افراد زخمی ہوگئے۔

لاشوں اور زخمیوں کو اسپتال منتقل کردیا گیا۔ جاں بحق بچوں میں 12 سال اور 10 سال کی بچیاں شامل ہیں جبکہ 8 سال کا بچہ بھی جاں بحق ہوا۔

کلی ٹاکی میں بھی زلزلے سے گھر کی چھت گرگئی تاہم جانی نقصان نہیں ہوا۔