سماجی رابطوں کی ویب سائٹ ٹوئٹرنے بھارت میں پاکستان گورنمنٹ کا آفیشل اکاؤنٹ بلاک کردیا۔
خبررساں ایجنسی روئٹرز کے مطابق ٹوئٹر نے ایک قانونی مطالبے کے جواب میں حکومت پاکستان کے اکاؤنٹ کو بھارت میں دیکھے جانے سے روک دیا ہے ۔
ٹوئٹر کی جانب سے یہ اقدام اس لیے اٹھایا گیا ہے کیونکہ کمپنی کی گائیڈ لائنز اسے مستند انونی مطالبے کے جواب میں اکاؤنٹس کو روک دینے پر مجبور کرتی ہیں۔
تاہم بھارت میں بلاک کیا جانے والا پاکستان حکومت کا آفدشل ٹوئٹراکاؤنٹ امریکا اور کینیڈا جیسے ممالک میں دیکھنے اور بات چیت کے لیے دستیاب ہے۔
تاحال اس حوالے سے پاکستان کے علاوہ بھارت کی آئی ٹی وزرات سے بھی کوئی ردعمل سامنے نہیں آیا ہے۔
